वाणिज्य बैंकले १९ तोला सुन राखेका ग्राहकलाई ६ तोलाको मात्रै फिर्ता दिने भनेपछि........

काठमाडौं । २०८१ चैत २५ गते एक जना ग्राहकले वाणिज्य बैंकको नयाँ बानेश्वर शाखामा सुनका चुरा, औठि, सिक्री र ब्रासलेट धितोमा राखेर कर्जा लिएका थिए । बैंकले उक्त चुरा, औठि, ब्रासलेट र सिक्रीको तौल २२४ ग्राम (१९.२१ तोला) मूल्याङ्कन गरेको थियो ।

जसबाट ग्राहकले ८ लाख १९ हजार रुपैयाँ कर्जा लिएका थिए । बैंकले उक्त २२४ ग्राममध्ये १४६ ग्राम खाद घटाएको थियो । बाँकी ७८ ग्राम कर्जाका लागि बैंकले स्वीकृत गरेको थियो । उक्त ७८ ग्रामको बैंकले १० हजार ५०० रुपैयाँका दरले हिसाब गरेर ८ लाख १९ हजार रुपैयाँ मूल्याङ्कन गरेको थियो । जसबाट ति ग्राहकले ६ लाख ७० हजार रुपैयाँ कर्जा लिएका थिए ।