कैलाशको बजेट ५५ करोड ८४ लाख बजेट, पूर्वाधार र सामाजिक विकासलाई प्राथमिकता

मकवानपुर । कैलाश गाउँपालिकाले आगामी आर्थिक वर्ष २०८३/८४ का लागि ५५ करोड ८४ लाख ६९ हजार रुपैयाँको अनुमानित आय–व्यय (बजेट) सार्वजनिक गरेको छ । कैलाशले पूर्वाधार र सामाजिक विकासलाई प्राथमिकतामा राखेर आगामी वर्षको बजेट सार्वजनिक गरेको हो ।

बुधबार बसेको १८ औँ गाउँसभाले गाउँपालिका उपाध्यक्ष बालकुमार मल्लले पेस गरेको बजेटमा पूर्वाधार, शिक्षा र सामाजिक क्षेत्रलाई मुख्य प्राथमिकतामा राखेर बजेट विनियोजन गरेको देखिन्छ । उपाध्यक्ष मल्लका अनुसार कुल ५५ करोड ८४ लाख ६९ हजार रुपैयाँको बजेटको खर्च व्यहोर्ने स्रोत तर्फ सङ्घीय सरकारबाट वित्तीय समानीकरणमा ९ करोड ८९ लाख, शर्सतमा १९ करोड २५ लाख, राजश्व बाँडफाँटमा १० करोड ३ लाख ९१ हजार, समपूरक अनुदानमा २ करोड ५९ लाख, विशेष अनुदानमा एक करोड गरी ४२ करोड ७६ लाख ९१ हजार रहेको छ ।