गैरकानुनी रूपमा बस्दै आएका २४ बंगलादेशी नागरिक नियन्त्रणमा

काठमाडौँ । नेपालमा विभिन्न समयमा प्रवेश गरी वैध कागजातबिना तथा म्याद सकिएको पर्यटक भिसामा गैरकानुनी रूपमा बस्दै आएका २४ जना बंगलादेशी नागरिकलाई प्रहरीले नियन्त्रणमा लिएको छ ।

प्रहरी वृत्त स्वयम्भूबाट खटिएको प्रहरी टोलीले आइतबार काठमाडौँ महानगरपालिका–१५ स्थित डल्लु, सितापाइलालगायतका क्षेत्रमा रहेका कपडा कारखानामा काम गरिरहेको अवस्थामा उनीहरूलाई नियन्त्रणमा लिएको हो ।