‘ध्रुवे’ हात्तीको घाँटीमा रेडियो कलर- अब हरेक गतिविधिमा निकुञ्जको नजर

चितवन राष्ट्रिय निकुञ्जले जङ्गली हात्ती ‘ध्रुवे’को घाटीमा ‘रेडियो कलर’ जडान गरेको छ । निकुञ्ज र मध्यवर्ती क्षेत्रमा २५ जनाको ज्यान लिइसकेको हात्तीलाई डार्ट (बेहोस बनाउने औषधि) गरी रेडियो कलर लगाइएको हो ।

निकुञ्जका सूचना अधिकारी अविनाश थापा मगरका अनुसार हात्तीलाई डार्ट गरी घाँटीमा स्याटेलाइट रेडियो कलर जडान गरिएको छ । त्यसपछि दाह्रा काटेर छाडिएको हो।