सुदूरपश्चिममा बजेट विवाद उत्कर्षमा: मुख्यमन्त्री शाहद्वारा एमालेका ४ मन्त्री बर्खास्त

धनगढी । सुदूरपश्चिम प्रदेश सरकारमा सत्ता साझेदार नेकपा एमालेसँगको बजेट विवाद उत्कर्षमा पुगेको छ। विवादकै कारण मुख्यमन्त्री कमलबहादुर शाहले बुधबार एमालेबाट सरकारमा रहेका तीन मन्त्री र एक राज्यमन्त्रीलाई पदबाट बर्खास्त गरेका छन् ।

बर्खास्त हुनेहरूमा भूमि व्यवस्था, कृषि तथा सहकारीमन्त्री वीरबहादुर थापा, आन्तरिक मामिला तथा कानुनमन्त्री हिरा सार्की, भौतिक पूर्वाधार विकासमन्त्री सुरेन्द्र पाल र भौतिक पूर्वाधार विकास राज्यमन्त्री निर्मलादेवी साउँद रहेका छन् ।