चौथो दिन पनि इरानमाथि अमेरिकी आक्रमण, होर्मुज संकट थप गहिरियो, ११ जहाज र १४८ भारतीय नाविक अलपत्र

अमेरिका र इरानबीचको सैन्य तनाव झन् चर्किएको छ। अमेरिकी सेनाले लगातार चौथो दिन पनि इरानका विभिन्न सैन्य संरचनामाथि हवाई आक्रमण गरेको छ भने त्यसको जवाफमा इरानले बहराइन, कुवेत र जोर्डनस्थित अमेरिकी सैन्य अड्डामाथि आक्रमण गरेको दाबी गरेको छ।

अमेरिकी सेनाको सेन्ट्रल कमाण्ड (CENTCOM) का अनुसार करिब सात घण्टासम्म सञ्चालन गरिएको सैन्य अभियानमा होर्मुज जलडमरूमध्य आसपास रहेका इरानका मिसाइल र ड्रोन अड्डा, नौसैनिक पूर्वाधार तथा तटीय सुरक्षा प्रणालीलाई निशाना बनाइएको हो।