वीरगन्ज महानगरको बारुणयन्त्रले कार्यवाहक प्रमुख आलमको घरमा पानी पुर्‍याउँदा स्थानीयले गरे विरोध

रातिको समयमा वीरगन्ज महानगरपालिकाको बारुणयन्त्रबाट महानगरपालिकाका कार्यवाहक प्रमुख इम्तियाज आलमले पानी मगाएको देखेर स्थानीयहरूले विरोध गरेका छन्। उक्त विरोधको भिडियो समाजिक सञ्जालहरूमा भाइरल भएको छ।

बुधबार मध्यराति करिब १२ बजे महानगरपालिकाको ना १ ग ८३४ नम्बरको बारुणयन्त्रबाट कार्यवाहक प्रमुख आलमले छ्पकैयास्थित निवासमा पानी खन्याउने क्रममा स्थानीयहरूले विरोध गरेको भिडियोमा देख्न सकिन्छ। बाहिरबाट बारुणयन्त्रमा राखेर ल्याइएको पानीलाई आलमको घरमा खन्याउँदै गर्दा स्थानीयहरूले त्यसलाई नियन्त्रणमा लिन खोजेका थिए।