लगातार ६० दिनभन्दा बढी अनुपस्थित २३ स्वास्थ्यकर्मीलाई सोधियो स्पष्टीकरण

काठमाडौं । स्वास्थ्य तथा खाद्य स्वच्छता मन्त्रालयले लामो समयदेखि विदा स्वीकृत नगराई कार्यक्षेत्रमा अनुपस्थित रहेका २३ जना स्वास्थ्यकर्मीहरूलाई स्पष्टीकरण पेश गर्न निर्देशन दिएको छ ।

मन्त्रालयले एक सार्वजनिक सूचना जारी गर्दै नेपाल स्वास्थ्य सेवा ऐन, २०५३ को दफा ७४ को उपदफा (१) को खण्ड (ज) बमोजिम विदा स्वीकृत नगराई लगातार ६० दिनसम्म आफ्नो कार्यालयमा अनुपस्थित रहेका कर्मचारीहरूलाई सेवाबाट हटाउन प्रक्रिया सुरु गरेको जनाएको हो ।