क्यानडामा पनि मनाइयो भानुजयन्ती

भाषा, साहित्य र संस्कृतिको संरक्षण तथा प्रवर्धन गर्ने उद्देश्यले स्थापना भएको नेपाली साहित्य समाज क्यालगरीले आफ्नो १५औं वार्षिकोत्सव तथा २१३औं भानुजयन्ती विशेष साहित्यिक कार्यक्रमसाथ सम्पन्न गरेको छ। अल्बर्टा, क्यालगरीमा आयोजित उक्त कार्यक्रममा नेपाली समुदायका साहित्यप्रेमी, विभिन्न सामाजिक संघसंस्थाका प्रतिनिधि, स्रष्टा तथा शुभेच्छुकहरूको सहभागिता थियो।

संस्थाका बोर्ड अफ डाइरेक्टर कल्पना ढकालले स्वागत मन्तव्य दिँदै भाषा, साहित्य र संस्कृतिको प्रवर्धनमा संस्थाले पुर्‍याउँदै आएको योगदानबारे प्रकाश पारिन्। कार्यक्रममा गर्दै संस्थाका वरिष्ठ आजीवन सदस्य जमुना ढकालले भानुभक्तले नेपाली साहित्यमा पुर्‍याएको योगदानका चर्चा गरिन्।