खानी इजाजतपत्र नवीकरणका लागि तीनमहिने समयसीमा

काठमाडौं। खानी तथा भूगर्भ विभागले आर्थिक वर्ष २०८३/८४ का लागि खानी खोजतलास तथा उत्खनन इजाजतपत्र नवीकरण गर्न तीन महिनाभित्र आवेदन दिनुपर्ने व्यवस्था लागू गरेको छ। विभागले खानी तथा खनिज पदार्थ ऐन, २०४२ तथा खानी तथा खनिज पदार्थ नियमावली, २०५६ अनुसार सम्बन्धित सबै इजाजतपत्रधारीलाई समयमै नवीकरण प्रक्रिया पूरा गर्न आग्रह गरेको हो।

विभागका अनुसार आर्थिक वर्ष समाप्त भएको तीन महिनाभित्र इजाजतपत्र नवीकरण नगरे कानुनी प्रक्रियाअनुसार समस्या उत्पन्न हुन सक्ने भएकाले तोकिएको अवधिमै आवश्यक कागजातसहित निवेदन दिनुपर्नेछ।