सरकारका संयन्त्र नागरिकको मृत्यु पर्खिने हुनैहुँदैन

प्रेम आचार्यले बानेश्वरमा आत्मदाह गरेको तीन वर्ष पुग्दानपुग्दै २५ वर्षका गणेश नेपालीले आत्मदाह गरे। लगत्तै मधेस, बुद्धनगर लगायतका स्थानमा शृङ्खलाबद्ध घटनाहरू घटे। यसपछि त सार्वजनिक रूपमा नै ‘म सुकुम्बासी पीडित’, ‘म मिटरब्याज पीडित’, ‘म सहकारी ठग पीडित, आत्मदाह गर्नुको विकल्प छैन’ भन्ने आवाजहरू बग्रेल्ती आउन थालेका छन्।

आशा जगाउनका लागि झन्डै दुईतिहाइको सरकार छ, तैपनि आशा जगाउनेभन्दा निराशा फैलाउने अवस्था किन छ ? र, लक्का जवानहरू आत्मदाहको बाटो रोज्न किन बाध्य भए ? यसको राजनीतिक मानवशास्त्र के हो भन्नेबारेमा चर्चा गर्न यस आलेखमा प्रयत्न गरिएको छ।