समावेशी डिजिटल सार्वजनिक सेवाको विकासमा अपांगता सशक्तीकरण समाजको जोड

काठमाडौँ- बागमती प्रदेश सामाजिक विकास मन्त्रालयद्वारा हरिहरभवनस्थित परिवार नियोजन संघको सभाहलमा बुधबार आयोजित अनुदान प्राप्त संस्थाहरूको वार्षिक समीक्षा कार्यक्रममा अपांगता सशक्तीकरण समाज नेपालले आफ्नो वार्षिक कार्यप्रगति, उपलब्धि तथा भावी योजना प्रस्तुत गरेको छ।

कार्यक्रममा अपांगता सशक्तीकरण समाज नेपालका महासचिव ई.कृष्ण महर्जनले संस्थाले अपांगता अधिकार प्रवर्द्धन, समावेशी विकास, पहुँचयुक्तता तथा सूचना प्रविधिमार्फत सञ्चालन गरिरहेका विभिन्न कार्यक्रम र उपलब्धिबारे जानकारी गराएका थिए। आगामी दिनमा संस्थाले अघि बढाउने रणनीति तथा योजनाहरू पनि प्रस्तुत गरिएको थियो।