डोजरले भत्कायो भरोसा, बाढीले डुबायो बास : होल्डिङ सेन्टर छोडेर कोठा खोज्दै सुकुम्वासी

काठमाडौँ – थापाथलीगायत बागमती र मनोहरा नदी किनारका १९ सुकुम्वासी बस्तीमा वैकल्पिक व्यवस्थाबिना नै डोजर चलाइएपछि विस्थापित भएका १५ हजार नागरिकको बिचल्ली भएको दुई महिना बितिसकेको छ । १५ दिनभित्र उचित बसोबासको व्यवस्था गर्ने सरकारको आश्वासन पूरा नभएपछि चौतर्फी विरोध भइरहेका बेला कतिपय परिवारले सरकारले राखेका ‘होल्डिङ सेन्टर’ समेत छाड्न थालेका छन् ।