ढाड वा घाँटीको दुखाइलाई सामान्य ठान्नु हुँदैन

राष्ट्रिय ट्रमा सेन्टर भन्नासाथ अधिकांश मानिसको मनमा सडक दुर्घटनामा घाइते भएका बिरामीको उपचार हुने अस्पताल भन्ने बुझाइ छ । तर यहाँ दुर्घटनाबाट हुने चोटपटक मात्र होइन, मेरुदण्ड तथा स्नायुसम्बन्धी जटिल समस्याका बिरामीहरूको पनि ठूलो सङ्ख्यामा उपचार हुन्छ ।

विशेषगरी ढाड वा घाँटीको नसा च्यापिने समस्या, मेरुदण्डको ट्युमर, पक्षघात तथा स्पाइनल इन्जुरीका बिरामीका लागि ट्रमा सेन्टर अहिले प्रमुख रिफरल केन्द्र बनेको छ ।