तीन महिनामा ९० हजार लाइसेन्स वितरण

काठमाडौँ । यातायात व्यवस्था कार्यालयले पछिल्लो तीन महिनामा ९० हजार थान सवारीचालक अनुमतिपत्र (लाइसेन्स) वितरण गरेको छ। लाइसेन्स वितरण र नवीकरण लगायतका सेवाबाट यस अवधिमा राज्यकोषमा कुल १९ करोड ८२ लाख रुपैयाँ राजस्व दाखिला भएको छ।

कार्यालयका प्रमुख प्रविण श्रेष्ठका अनुसार उक्त तीन महिनाको अवधिमा कुल २ लाख ३८ हजार थान लाइसेन्स छापिएका थिए, जसमध्ये ९० हजार थान सेवाग्राहीको हातमा पुगिसकेको छ।