चिनियाँ चार प्रमुख सहरका मौलिक कलाकृतिको राजधानीमा प्रदर्शनी

काठमाडौँ । काठमाडौँमा एक महिना लामो समसामयिक चिनियाँ चित्रकला तथा क्यालिग्राफी प्रदर्शनी बुधबारदेखि सुरु भएको छ।

‘लान्टिङ ग्यादरिङ: ओभरसिज एक्जिबिसन अफ कन्टेम्पोररी चाइनिज पेन्टिङ एन्ड क्यालिग्राफी फ्रम बेइजिङ, टियानजिन, साङ्घाई एन्ड चोङकिङ’ शीर्षक दिइएको यस कार्यक्रमको नेपाल ललितकला प्रज्ञा प्रतिष्ठानका पूर्व कुलपति नारदमणि हार्तमछाली, चीनको त्सिङ्हुआ विश्वविद्यालयको वु ग्वानझोङ कला अनुसन्धान केन्द्रका क्युरेटर तथा अनुसन्धानकर्ता सु हाङ र नेपालस्थित चिनियाँ सांस्कृतिक केन्द्रका उपनिर्देशक लिउ झानपिङले संयुक्तरूपमा उद्घाटन गरेका हुन् ।