बिजनेस नभएर संसद् बैठक दुई साता स्थगित

प्रतिनिधिसभा र राष्ट्रियसभा बैठक बिजनेस नभएर दुई सातासम्म स्थगित भएका छन्। बुधबार बसेका दुवै सदनको बैठक साउन १४ र १५ पछि बस्नेछन्। प्रतिनिधिसभा साउन १४ गते र राष्ट्रियसभा साउन १५ गते बोलाइएको छ। संसद्मा भएका विधेयक पारित र समितिमा र संशोधनमा पठाउने काम सकिएपछि अब नयाँ विधेयक नभई संसद् काम अघि बढ्न नसक्ने अवस्था छ।

संसद्को दुवै सदनबाट बजेटसम्बन्धी काम सकिएपछि अब अन्य विधेयकमाथिको काम सुरु हुने गर्दछ, तर नयाँ विधेयक अघि बढाउने गरी सरकार अघि नबढेपछि प्रतिनिधिसभा र राष्ट्रियसभा नै बिजनेसविहीनको अवस्थामा पुगेका हुन्।