विपद् अलर्ट सूचनाका लागि टेलिकम र मौसम विज्ञान विभागबीच सम्झौता, ११५५ बाट एसएमएस आउने

काठमाडौं । नेपाल टेलिकम र जल तथा मौसम विज्ञान विभागबीच जल तथा मौसमजन्य विपद् जोखिम सम्बन्धी पूर्वसूचना प्रवाह गर्ने सम्बन्धमा सम्झौता भएको छ । वर्षा, बाढी, पहिरो र डढेलो जस्ता प्राकृतिक प्रकोपबाट हुने क्षति कम गर्न दुई निकायबीच सहकार्यलाई निरन्तरता दिने गरी सम्झौता गरिएको हो ।

नेपाल टेलिकमको केन्द्रीय कार्यालयमा आयोजित एक कार्यक्रमका बीच टेलिकमकी प्रबन्ध निर्देशक संगीता पहाडी (अर्याल) र जल तथा मौसम विज्ञान विभागकी महानिर्देशक डा. अर्चना श्रेष्ठले सम्झौतापत्रमा हस्ताक्षर गरे ।