अर्जेन्टिनासँगको हारपछि निराश केनले के भने ?

एटलान्टा । इंग्ल्याण्डका कप्तान ह्यारी केनले सन् २०३० को आगामी विश्वकपसम्म आफ्नो देशका लागि खेल्ने वा नखेल्ने भन्नेबारे निर्णय गर्न अहिले निकै हतार हुने बताएका छन्। विश्वकपको सेमिफाइनलमा अर्जेन्टिनासँग बेहोरेको पीडादायी हारपछि उनले यस्तो प्रतिक्रिया दिएका हुन्।

एटलान्टामा भएको खेलमा साविक विजेता अर्जेन्टिनाले उत्कृष्ट पूनरागमन गर्दै थोमस टुचेलको टोली इंग्ल्याण्डलाई २–१ ले पराजित गरी आइतबार स्पेनसँगको फाइनल भेट पक्का गरेको छ। सन् २०१८ को विश्वकप सेमिफाइनलमा क्रोएसियासँग २–१ ले पराजित भएको इंग्ल्याण्ड र बायर्न म्युनिखका स्ट्राइकर केनका लागि आठ वर्षमा यो दोस्रो सेमिफाइनल हार हो।