काठमाडौं युथ कन्क्लेभको झण्डा सगरमाथामा

काठमाडौं । काठमाडौं युथ कन्क्लेभको झण्डा विश्वको सर्वोच्च शिखर सगरमाथामा फहराइएको छ । युथ कन्क्लेभको प्रतिनिधिकारूपमा प्रतिनिधिसभा सदस्य समेत रहेका मिङ्मा डेभिड शेर्पाले गत बुधबार सगरमाथाको चुचुरोमा पुर्याएका हुन् । शेर्पा ९ दिन लगाएर सगरमाथा आरोहण गरेर काठमाडौं फर्किसकेका छन् ।

काठमाडौं युथ कन्क्लेभको झण्डा बुधबार ५ बजेर ४० मिनेटमा सगरमाथा चुचुरोमा फहराइएको युथ कन्क्लेभका एक प्रतिनिधि प्रतिक खतिवडाले जानकारी दिए । सगरमाथा झण्डा फहराएपछि नेपाली युवाहरूको आशा, सपना र भावनालाई विश्वको शिखरमा पुर्याएकोप्रति एलिट एक्सेडलाई युथ कन्क्लेभले परिवारले धन्यवाद ज्ञापन गरेका छन् ।