मुक्तिनाथ विकास बैंकले प्रदान गर्‍यो नेपाल रेडक्रस सोसाइटीलाई तीनवटा वायोलोजिकल माइक्रोस्कोप

मुक्तिनाथ विकास बैंकले आफ्नो संस्थागत सामाजिक उत्तरदायित्व (सीएसआर) कार्यक्रमअन्तर्गत नेपाल रेडक्रस सोसाइटी (एनआरसीएस) लुम्बिनी प्रदेशलाई तीन थान जैविक सूक्ष्मदर्शी (वायोलोजिकल माइक्रोस्कोप) हस्तान्तरण गरेको छ ।

बैंकका अनुसार सुरक्षित तथा पर्याप्त रगत आपूर्ति सुनिश्चित गर्ने उद्देश्यले नेपाल रेडक्रस सोसाइटी, लुम्बिनी प्रदेशले सञ्चालन गरिरहेको रक्त बैंक स्थापना परियोजनालाई सहयोग पुर्‍याउन उक्त उपकरण उपलब्ध गराइएको हो ।