बाढीपीडितको उद्धार र राहतका लागि प्रलोपा सक्रिय, १०१ सदस्यीय स्वयंसेवक टोली गठन

काठमाडौं- रसुवाको भोटेकोशी–त्रिशूली नदीमा आएको विनाशकारी बाढीबाट भएको जनधनको क्षतिप्रति प्रगतिशील लोकतान्त्रिक पार्टी (प्रलोपा)ले दुःख व्यक्त गर्दै उद्धार, राहत, उपचार तथा पुनर्स्थापनाका लागि पार्टी पंक्ति परिचालन गर्ने निर्णय गरेको छ।

काठमाडौंमा उपलब्ध केन्द्रीय सदस्यहरूको बिहीबार बसेको आकस्मिक बैठकले बाढीबाट प्रभावित नागरिकको तत्काल उद्धार तथा राहतका लागि विभिन्न कार्यक्रम सञ्चालन गर्ने निर्णय गरेको पार्टीले जनाएको छ। भोटेकोशी बाढीबाट ठूलो मानवीय तथा भौतिक क्षति भएको छ र प्रभावित क्षेत्रमा खोज तथा उद्धार कार्य जारी छ।