सांसदलाई स्वकीय सचिव राख्ने सुविधा पुनः बहाल

सरकारले संघीय संसद्का सांसदहरूले स्वकीय सचिव राख्न पाउने सुविधा पुनः बहाल गर्ने निर्णय गरेको छ। बिहीबार बसेको मन्त्रिपरिषद् बैठकले यससम्बन्धी व्यवस्था संशोधन गर्दै सांसदहरूलाई पुनः स्वकीय सचिव राख्न पाउने सुविधा दिने निर्णय गरेको हो।

कानुन, न्याय तथा संसदीय मामिलामन्त्री सोविता गौतमले मन्त्रिपरिषद्को निर्णय सार्वजनिक गर्दै सांसदहरूको स्वकीय सचिवसम्बन्धी सुविधा पुनः लागू गरिएको जानकारी दिइन्।