साउन महिनाका लागि पशुपति क्षेत्रमा तयारी, सोमबार चारवटा लाइन राख्ने

काठमाडौं– साउन महिनामा भगवान् पशुपतिनाथको पूजा–आराधना तथा दर्शन गर्न आउने भक्तजनको सहजताका लागि पशुपति क्षेत्रमा विशेष तयारी गरिएको छ।

साउन महिना र सोमबारलाई भगवान् शिवको प्रिय महिना र बारका रूपमा धार्मिक मान्यता दिइने भएकाले यस अवधिमा लाखौँ भक्तजन पशुपतिनाथको दर्शन र पूजाआराधनाका लागि पुग्ने गर्छन्। भक्तजनको व्यवस्थापनलाई सहज बनाउन आवश्यक तयारी पूरा गरिएको पशुपति क्षेत्र विकास कोषले जनाएको छ।