जनकपुर उच्च अदालतको कीर्तिमान, दुई वर्षभन्दा पुराना सबै मुद्दा शून्यमा

जनकपुर। उच्च अदालत जनकपुरले आर्थिक वर्ष २०८२/८३ मा वार्षिक लक्ष्यभन्दा बढी मुद्दा फर्स्यौट गर्दै न्याय सम्पादनमा उल्लेखनीय सफलता हासिल गरेको छ। अदालतले निर्धारण गरिएको लक्ष्यको १०१.६० प्रतिशत प्रगति गर्दै लक्ष्यभन्दा बढी मुद्दा टुंग्याएको हो।

अदालतका कायममुकायम मुख्य न्यायाधीश टेकनारायण कुँवरका अनुसार गत आर्थिक वर्षमा जिम्मेवारी सरेर आएका दुई हजार २६७ र नयाँ दर्ता भएका चार हजार २४९ गरी कुल छ हजार ५१६ मुद्दा अदालतमा रहेका थिए। तीमध्ये चार हजार ६१९ मुद्दा फर्स्यौट गरिएको छ, जुन कुल मुद्दाको ७०.८८ प्रतिशत हो।