सांसदहरूलाई स्वकीय सचिव राख्ने बाटो खुल्यो

संघीय संसदका सांसदहरूले पुनः स्वकीय सचिव राख्न पाउने भएका छन् । मन्त्रिपरिषद् बैठकले संघीय संसदका पदाधिकारी तथा सदस्यहरूको पारिश्रमिक र सुविधासम्बन्धी ऐन, २०७३ को अनुसूची परिमार्जन गर्दै यो व्यवस्था पुनर्बहाली गरेको हो।

कानुन मन्त्रालयले पेस गरेको उक्त संशोधन प्रस्ताव स्वीकृत भएसँगै अब स्वकीय सचिवहरूले यसअघि पाइरहेकै सुविधाहरू यथावत् रूपमा पाउनेछन् । यसअघि जनआन्दोलनपछि गठित सुशीला कार्की नेतृत्वको अन्तरिम सरकारले सांसदहरूको स्वकीय सचिव राख्न पाउने सुविधा खारेज गरेयता यो व्यवस्था रोकिएको थियो।