प्रधानमन्त्री पद छाड्नुअघि स्टारमर पुगे युक्रेन

काठमाडौँ । प्रधानमन्त्री पद छाड्नुअघि अन्तिम विदेश भ्रमणका रूपमा बेलायती प्रधानमन्त्री किर स्टारमर बिहीबार युक्रेन पुगेका छन्। राजधानी किएभमा उनले युक्रेनी राष्ट्रपति भोलोदिमर जेलेन्स्कीसँग भेटवार्ता गरी युक्रेनप्रति बेलायतको समर्थन आगामी सरकारका पालामा पनि निरन्तर रहने सन्देश दिने अपेक्षा गरिएको छ।

बेलायती सरकारका अनुसार सोमबार प्रधानमन्त्री पदबाट बाहिरिनुअघि स्टारमरले युक्रेनसँगको सुरक्षा, सहयोग र दीर्घकालीन साझेदारीबारे राष्ट्रपति जेलेन्स्कीसँग छलफल गर्नेछन्। उनले बेलायतको नेतृत्व परिवर्तन भए पनि युक्रेनप्रतिको प्रतिबद्धतामा कुनै कमी नआउने विश्वास दिलाउनेछन्। स्टारमरले आफ्नो कार्यालयमार्फत जारी सन्देशमा युक्रेनप्रति बेलायतको समर्थन अटल रहने बताएका छन्।