सांसद पद त्यागेर हंगेरीका पूर्वविदेशमन्त्री बीवाईडीको कार्यकारी पदमा

काठमाडौं । चीनको अग्रणी विद्युतीय सवारीसाधन निर्माता बीवाईडीले हंगेरीका पूर्वविदेश तथा व्यापारमन्त्री पिटर सिजार्तोलाई कम्पनीको कार्यकारी पदमा नियुक्त गरेको छ । उनले जुलाई १५ देखि हंगेरीको संसद् सदस्य पदबाट राजीनामा दिँदै बीवाईडीमा बाह्य सम्बन्ध तथा नयाँ व्यवसाय विस्तारको जिम्मेवारी सम्हालेका हुन् ।

४७ वर्षीय सिजार्तो सन् २००२ देखि हंगेरीको राष्ट्रियसभाका सदस्य थिए । सन् २०१४ देखि यस वर्षको मे महिनासम्म विदेश तथा व्यापारमन्त्रीका रूपमा कार्यरत थिए । उनले सामाजिक सञ्जालमार्फत आफू विश्वकै अग्रणी कम्पनीमध्ये एक बीवाईडीमा नयाँ अन्तर्राष्ट्रिय जिम्मेवारी सम्हाल्न लागेको जानकारी दिएका छन् ।