अमेरिकाले गोरुक र केश्ममा बमबारी गरेको दाबी

अमेरिकी केन्द्रीय कमाण्ड (सेन्टकम) ले इरानको गोरुक सहर र केश्म टापुमा रहेका इरानी राडार तथा ड्रोन साइटहरूलाई निशाना बनाएर भीषण हवाई आक्रमण गरेको बताएको छ।

आत्मरक्षाको हवाला दिँदै इरानले अन्तर्राष्ट्रिय जलक्षेत्रमा अमेरिकी ड्रोन खसालेपछि त्यसको जवाफमा यो कारबाही गरिएको उसको दाबी छ। यस आक्रमणमा अमेरिकी सेनाले इरानी वायु रक्षा प्रणाली, एउटा जमिन नियन्त्रण स्टेसन र दुईवटा आत्मघाती ड्रोन ध्वस्त पारेको छ। जवाफमा इरानको इस्लामिक रिभोलुसनरी गार्ड कोर्प्स (आईआरजीसी) ले पनि सिरिक टापुमा भएको आक्रमणको बदला लिन अमेरिकी हवाई अड्डालाई लक्षित गरी प्रतिशोधात्मक हमला गरेको दाबी गरेको छ।