अनुसन्धानमा जीडीपीको २.८ प्रतिशत खर्चने चीनको नेपालमा नवप्रवर्तन केन्द्र खोल्ने चासो

काठमाडौं । विज्ञान, प्रविधि तथा नवप्रवर्तन मन्त्री महावीर पुन र नेपालका लागि चिनियाँ राजदूत चाङ माओमिङबिच बुधबार मन्त्रालयमा शिष्टाचार भेटवार्ता भएको छ । भेटका क्रममा चीनले नेपालको प्रविधि र नवप्रवर्तनको क्षेत्रमा लगानी र सहकार्य गर्ने इच्छा राखेको छ ।

भेटमा राजदूत माओमिङले चीनले आफ्नो कुल गार्हस्थ्य उत्पादन (जीडीपी) को २.८ प्रतिशत हिस्सा अनुसन्धान र विकास (आर एन्ड डी) मा लगानी गरिरहेको जानकारी दिए । प्रविधिमा विश्वशक्ति बन्ने लक्ष्यका साथ चीनले गरिरहेको यो ठुलो लगानीको अनुभवलाई नेपालको विकासमा समेत जोड्न चिनियाँ पक्ष इच्छुक देखिएको छ ।