मुख्यमन्त्रीबाट तत्काल राजीनामा दिन खगराज भट्टको आग्रह

काठमाडौँ । सुदूरपश्चिम नेपाली कम्युनिस्ट पार्टीका संसदीय दलका नेता खगराज भट्टले आफैँले ल्याएको बजेट पारित गर्न नसक्ने सरकारलाई दीर्घकालीन महत्वको निर्णय गर्ने अधिकार नभएको बताएका छन् । सरकार असफल भइसकेकाले तत्काल राजीनामा दिएर मार्गप्रशस्त गर्न मुख्यमन्त्री कमलबहादुर शाहलाई भट्टले सुझाव दिए ।

‘आफैँले ल्याएको बजेट पारित गर्न सक्नुभएन । असफल मुख्यमन्त्रीले तत्काल पदबाट राजीनामा दिनुपर्छ । दीर्घकालीन नेतृत्वको कुनै निर्णय नगर्न दलको बैठकले निर्णय गरेको छ’, रातोपाटीसँग भट्टले भने ।