स्याङ्जाका स्थानीय तहको करिब सात अर्ब बजेट

स्याङ्जाका ११ वटै स्थानीय तहले आर्थिक वर्ष २०८३/८४ का लागि बजेट सार्वजनिक गरेका छन्। जिल्लाका पाँच नगरपालिका र छ गाउँपालिकाले गरी कुल ६ अर्ब ९८ करोड ४२ लाख ८७ हजार ४७३ रुपियाँ बराबरको बजेट सार्वजनिक गरेका हुन्।

पाँच नगरपालिकामध्ये सबैभन्दा बढी बजेट पुतलीबजार नगरपालिकाले ल्याएको छ। नगरपालिकाले ९६ करोड ७३ लाख १६ हजार ४०० रुपियाँको बजेट सार्वजनिक गरेको हो। यसमध्ये ६६ करोड २० लाख ४७ हजार ६०० रुपियाँ चालुतर्फ र ३० करोड ५२ लाख ६८ हजार ८०० रुपियाँ पुँजीगततर्फ विनियोजन गरिएको छ।