प्रहरीमाथि हातपात गरेको आरोपमा बाराका दुई युवक पक्राउ

बाराको सिम्रौनगढमा सवारी साधन जाँचका क्रममा प्रहरीमाथि हातपात गरेको आरोपमा दुई जनालाई पक्राउ गरी अभद्र व्यवहार कसुरमा अनुसन्धान अघि बढाइएको छ ।

जिल्ला प्रहरी कार्यालय बाराका अनुसार बिहीबार बिहान करिब ७:१२ बजे सिम्रौनगढ नगरपालिका–६ स्थित पावर हाउस चोकमा इलाका प्रहरी कार्यालय सिम्रौनगढ र अस्थायी ट्राफिक प्रहरी पोष्ट सिम्रौनगढबाट संयुक्त रूपमा सवारी साधन जाँच भइरहेको थियो ।