शेख हसिना स्वदेश फर्किने प्रयासमा, बंगलादेशी राजनीतिमा उथलपुथल ल्याउने संकेत

ढाका । बंगलादेशकी अपदस्थ पूर्वप्रधानमन्त्री शेख हसिनाले मृत्युदण्डको सजाय सामना गरिरहेकै अवस्थामा स्वदेश फर्कने दृढता व्यक्त गरेकी छन् । उनको सम्भावित फिर्तीले उनी र उनको दल अवामी लिगको नाटकीय पुनरागमनको बाटो खोल्न सक्ने आकलन गरिएको छ ।

विश्लेषकहरूका अनुसार हसिनाको फिर्तीले प्रतिबन्धित अवामी लिग र सत्तासीन बंगलादेश नेशनालिस्ट पार्टी (बीएनपी) बिचको परम्परागत प्रतिद्वन्द्वितालाई पुनः ब्युँताउन सक्छ । यसले बंगलादेशमा कट्टरपन्थी इस्लामवादी राजनीतिक शक्तिहरूको बढ्दो प्रभावलाई नियन्त्रण गर्न समेत भूमिका खेल्ने अनुमान गरिएको छ ।