भोटेकोसीमा बाढीको जोखिम कायमै

काठमाडौं । जलविज्ञान तथा जलस्रोत अनुसन्धान केन्द्रअन्तर्गतको बाढी पूर्वानुमान महाशाखाले रसुवाको भोटेकोसी क्षेत्रमा बाढीको जोखिम कायमै रहेको जनाएको छ ।

भोटेकोसी र त्रिशूली नदीमा हाल जलसतह सामान्य छ । तर, माथिल्लो क्षेत्रमा नदी थुनिएर बनेको ताल फुट्ने जोखिम कायमै छ । त्यसैले नदी किनारमा आवतजावत नगर्न र पूर्वसूचनामा ध्यान दिन महाशाखाले आग्रह गरेको छ ।