कसले दियो यी डेभलपरलाई आफ्नो व्यक्तिगत डोमेनमा नागरिक एपको पोर्टल होस्ट गर्ने अनुमति ?

काठमाडौं । आफूलाई डेभलपर बताउने ‘निर्देश सुवेदी’ ले व्यक्तिगत डोमेनमा ‘नागरिक एप’को पोर्टल नक्कल गरी होस्ट गरेको पाइएको छ । nirdeshsubedi[.]com[.]np नामको डोमेनमा नागरिकका संवेदनशील विवरण रहने सरकारी प्लेटफर्म नागरिक एपको पुरानो इन्टरफेससहितको वेबसाइट राखेको भेटिएको हो ।

आफ्नो व्यक्तिगत स्वार्थका लागि नागरिक एपको नक्कल गर्ने सुवेदीको यो ‘अपराध’ साइबर सुरक्षा अनुसन्धानकर्ता मनोज खड्काले फेला पारेर टेकपानालाई जानकारी दिएका हुन् । खासगरी वेब ब्राउजर बिङमा ‘Nagarik App Login’ कीवर्ड सर्च गर्दा यो वेबसाइट लिस्ट भएको देखिन्छ ।