अदालतको अवहेलना मुद्दामा सम्पत्ति छानबिन आयोगका पदाधिकारीसँग लिखित जवाफ माग

सर्वोच्च अदालतले अदालतको अवहेलना मुद्दामा सम्पत्ति छानबिन आयोगका अध्यक्ष र सदस्यहरूसँग लिखित जवाफ माग्ने आदेश दिएको छ ।

अधिवक्ता डा. प्रेमराज सिलवालले सर्वोच्च अदालतको असार २६ गतेको आदेशविपरीत सम्पत्ति छानबिन आयोगले असार २९ गते सूचना प्रकाशित गरी अदालतको आदेशको अवहेलना गरेको दाबी गर्दै दायर गरेको निवेदनमा न्यायाधीशद्वय अब्दुल अजिज मुसलमान र टेकप्रसाद ढुङ्गानाको संयुक्त इजलासले लिखित जवाफ माग गर्ने आदेश गरेको हो ।