केही इजरायलीहरू युद्ध लम्ब्याउन चाहन्छन्: अमेरिकी उपराष्ट्रपति

३२ असार, काठमाडौं । अमेरिकी उपराष्ट्रपति जेडी भान्सले इजरायली सरकार र त्यहाँको समाजभित्र इरानसँगको युद्धलाई विनाकारण लम्ब्याउन चाहने मानिसहरू रहेको दाबी गरेका छन् । उनका अनुसार, ती तत्वहरूले अमेरिकी नीति र जनमतलाई प्रभावित पार्ने कोसिस गरिरहेका छन् ।

बुधबार प्रसारण भएको ‘द जो रोगन एक्सपिरियन्स पोडकास्ट’ मा जेडी भान्सले भने, ‘मलाई यसमा अलिकति पनि शंका छैन कि इजरायली सरकारभित्रका केही मानिसहरू हाम्रो नीति परिवर्तन गर्ने कोसिस गरिरहेका छन्, किनभने उनीहरू सैन्य अभियान जारी राख्न चाहन्छन्।’