अत्यधिक ट्राफिक आएपछि सरकारी ठेक्का प्रणाली डाउन, के होला आज अन्तिम म्याद भएका ठेक्काको ?

काठमाडौँ । सार्वजनिक खरिद अनुगमन कार्यालयले सञ्चालनमा ल्याएको विद्युतीय खरिद प्रणाली (ई-जीपी सिस्टम) को वेबसाइट डाउन भएको छ । सोमबार बिहान ९ बजेदेखि प्रणालीमा अत्यधिक चाप (ट्राफिक) बढ्दा वेबसाइटमा समस्या आएको हो ।

यसरी सिस्टममा प्रयोगकर्ताको पहुँच पुग्न नसकेपछि कार्यालयले बाध्य भएर म्याद थप गर्ने निर्णय गरेको छ । वेबसाइटमा पहुँच अवरुद्ध हुँदा अनलाइनमार्फत बोलपत्र, आशयपत्र र शिलबन्दी दरभाउपत्र दाखिला गर्नुपर्ने निर्माण व्यवसायी तथा आपूर्तिकर्ता मारमा परेका थिए ।