पूर्वमन्त्री फत्तेसिंह थारूको निधन

बाँके। पूर्वमन्त्री एवं राष्ट्रिय प्रजातन्त्र पार्टी (राप्रपा) का नेता फत्तेसिंह थारूको ८७ वर्षको उमेरमा निधन भएको छ।

विसं १९९६ मा बाँकेको थपुवा गाउँ (हाल बैजनाथ गाउँपालिका) मा जन्मिएका नेता थारूको हृदयाघात भइ वेस्टर्न अस्पताल नेपालगन्जमा उपचारका क्रममा आज (बिहीबार) निधन भएको राप्रपाका सहमहामन्त्री ऋषिराज देवकोटाले जानकारी दिए। उनका अनुसार नेता थारूको दाहसंस्कार शुक्रबार राप्ती नदीको सिधनियाघाटमा गरिने भएको छ।