२७ लाख पुराना लाइसेन्सको छपाइ सकियो, म्याद कम भएका ३ लाख छापिएनन्, अब १ दिनमै कार्ड तयार हुने

काठमाडौं । सवारी चालक अनुमतिपत्र (लाइसेन्स) का लागि राजस्व बुझाएर वर्षौँदेखि रसिदका भरमा सवारी चलाउनुपर्ने बाध्यता अब अन्त्य हुने भएको छ । सूचना तथा सञ्चार मन्त्रालय अन्तर्गतको सुरक्षण मुद्रण केन्द्रले विगत लामो समयदेखि छपाइ हुन बाँकी रहेका २७ लाख थान पुराना लाइसेन्स (ब्याकलग) को छपाइ कार्य सम्पन्न भएको जानकारी दिएको छ ।

केन्द्र र यातायात व्यवस्था विभागबिच भएको सम्झौता बमोजिम यो ठुलो परिमाणको छपाइ कार्य सकिएको मन्त्रालयले एक विज्ञप्तिमार्फत जनाएको हो ।