रुरल डेभलपमेन्ट सहकारीका निवर्तमान अध्यक्षमाथि ठगीको आरोप

काठमाडौँ । काठमाडौँ लाजिम्पाटस्थित रुरल डेभलपमेन्ट बचत तथा ऋण सहकारी संस्था लिमिटेडका निवर्तमान अध्यक्षमाथि ६ लाख ८३ हजार ८९१ रुपैयाँ ठगी गरेको एक बचतकर्ताले आरोप लगाएकी छन् ।

सहकारीबाट पीडित सानु सापकोटाले सहकारीमा बचत गरेको रकम निवर्तमान अध्यक्ष आङबाबु राईले ठगेको भन्दै रुरल सहकारीका हालका सञ्चालक समिति अध्यक्ष र काठमाडौँ महानगरपालिकामा उजुरी दिएकी छन् । निवेदनमा निवर्तमान अध्यक्षले ‘राम्रो ब्याज दिन्छु’ भन्दै विभिन्न समयमा रकम लिई सहकारीको पासबुकमा जम्मा गरिदिएको तर पछि रकम फिर्ता नगरी सम्पर्कविहीन भएको उल्लेख गरेका छन् ।