भारतीय विदेश सचिव महवारले भेटे परराष्ट्रमन्त्री खनाललाई

काठमाडौँ । भारतको विदेश मन्त्रालयका अतिरिक्त सचिव मुनु महवारले परराष्ट्र मन्त्री शिशिर खनालसँग शिष्टाचार भेटवार्ता गरेका छन् । परराष्ट्र मन्त्रालयमा आज भएको सो भेटघाटमा नेपाल र भारतबिच रहेको शताब्दीऔँ पुरानो, घनीष्ठ र ऐतिहासिक सम्बन्धलाई थप सुदृढ बनाउने विषयमा छलफल भएको छ ।

दुवै पक्षबिच आपसी हितका विविध क्षेत्र, द्विपक्षीय सहयोगको विस्तार तथा साझेदारीलाई अझ मजबुत र गतिशील बनाउने उपायहरूबारे छलफल भएको मन्त्रालयले जनाएको छ ।