पूर्वमन्त्री एवं राप्रपा नेता फत्तेसिंह थारुको निधन

बाँके । पूर्वमन्त्री एवं राष्ट्रिय प्रजातन्त्र पार्टी (राप्रपा) का नेता फत्तेसिंह थारुको ८७ वर्षको उमेरमा नेपालगञ्जमा निधन भएको छ ।

मुटुमा समस्या देखिएपछि वेस्टर्न अस्पतालमा उपचार गराइरहेका थारुको हृदयघातका कारण आज निधन भएको राप्रपाका सहमहामन्त्री ऋषिराज देवकोटाले जानकारी दिएका छन् । देवकोटाका अनुसार नेता थारुको पार्थिव शरीरको दाहसंस्कार शुक्रबार राप्ती नदीको सिधनियाघाटमा गरिने तय भएको छ ।