बजेटपछि पनि नेप्से घट्ने क्रम रोकिएन, कारोबार रकममा पनि गिरावट

नयाँ आर्थिक वर्षको बजेट सार्वजनिक भएपछिको पहिलो कारोबारको दिन सोमबार नेप्से परिसूचक २६.७२ अंक घटेर २७५५.३७ विन्दुमा झरेको छ। सेन्सेटिभ इण्डेक्स ४.७८ अंक, फ्लोट इण्डेक्स १.४६ अंक र सेन्सेटिभ फ्लोट इण्डेक्स १.१७ अंक घटेको छ।

सोमबार कारोबार रकममा पनि गत कारोबारको तुलनामा करिब ४२ करोडले कमी आएको छ। सोमबार ३४९ स्टकको ६३ हजार ७१९ पटकको कारोबारमा ५ अर्ब ६१ करोड ४३ लाख ७४ हजार रुपैयाँबराबरको १ करोड ३३ लाख ८३ हजार कित्ता शेयर खरिदबिक्री भएको छ। गत बुधबार ६ अर्ब ३ करोड रुपैयाँबराबरको कारोबार भएको थियो।