१८ महिना नाघेका सबै मुद्दा फर्स्योट गर्ने लक्ष्यमा उच्च अदालतलाई सफलता

काठमाडौँ । चालू आर्थिक वर्ष २०८२/०८३ मा पहिलो पटक उच्च अदालत र यसका इजलासहरूमा १८ महिना नाघेका सबै मुद्दाहरू फर्स्योट भएका छन् । सर्वोच्च अदालतका प्रवक्ता तथा सह–रजिस्ट्रार अर्जुनप्रसाद कोइरालाद्वारा जारी विज्ञप्ति अनुसार, चालू आर्थिक वर्षमा समग्र न्यायपालिकाको मुद्दा फर्स्योट प्रतिशत ५४.०३ पुगेको छ ।

विगतमा मुद्दाको चापले थिचिएको न्यायपालिकामा यस पटक ‘डिसिएम’ पद्धतिको कार्यान्वयनले ठुलो सुधार ल्याएको छ । उच्च अदालतका १८ वटा इजलासमध्ये १४ वटामा १८ महिना नाघेका मुद्दा शून्यमा झारिएको छ भने बाँकी ४ इजलासमा पनि अत्यन्तै न्यून सङ्ख्यामा मुद्दा बाँकी छन् ।