भक्तपुरका कुखुरा फार्ममा बर्डफ्लू पुष्टि

काठमाडौँ । भक्तपुर जिल्लाका विभिन्न कुखुरा फार्महरूमा पक्षीमा लाग्ने घातक 'बर्डफ्लू' रोग फेला परेको पुष्टि भएको छ। चाँगुनारायण र सूर्यविनायक नगरपालिकाका व्यावसायिक फार्महरूमा बर्डफ्लू सङ्क्रमण फैलिएको पुष्टि भएपछि स्थानीय प्रशासन र पशु चिकित्सकहरूको टोलीले ठुलो सङ्ख्यामा कुखुराहरू नष्ट गरेको छ।

पशु सेवा कार्यालयका पशु चिकित्सक डा. अमिक श्रेष्ठका अनुसार हालसम्म जिल्लाभर कुल ४८ हजार १७३ वटा कुखुराहरू सुरक्षित रूपमा नष्ट गरिसकिएको छ।