सेती पुल निर्माणको अवलोकन गर्न पुगे मन्त्री लम्साल, काम छिटो सम्पन्न गर्न ताकेता

पूर्वाधार विकास मन्त्री सुशील लम्सालले पोखराको पृथ्वीचोकस्थित सेती नदीमा निर्माणाधीन पुलको अवलोकन गरेका छन्। पोखरा–मुग्लिङ राजमार्ग सुधार चरण–१ आयोजना अन्तर्गत सेती नदीमा बनिरहेको पुलको भौतिक प्रगति बुझ्न सोमबार मन्त्री लम्साल अवलोकनका लागि पुगेका हुन्। उनीसँगै पर्यटन मन्त्रीलगायत पनि उपस्थित थिए।

पोखराको लेकसाइड प्रवेशद्वार मानिने यो पुल करिब ३ वर्षभित्र सम्पन्न गर्ने गरी २०७९ साल साउन २६ गते सम्झौता भएको थियो। तर चीनबाट सामग्री आपूर्ति तथा स्थानीय जग्गा व्यवस्थापनमा समस्या आएपछि निर्माणमा ढिलाइ भएको हो। हालसम्म निर्माण अवधि दुई पटक थप भइसकेको छ, पहिलो पटक २०८३ वैशाख २१ सम्म ८ महिना र दोस्रो पटक २०८३ चैत १७ सम्म ११ महिना म्याद थप गरिएको छ।