क्यानडा क्रिकेट बोर्ड आईसीसीको निलम्बनमा

१७ जेठ, काठमाडौं । क्यानडा क्रिकेट बोर्ड निलम्बनमा परेको छ । अन्तर्राष्ट्रिय क्रिकेट परिषद् (आईसीसी) ले सदस्यीय दायित्वको गम्भीर उल्लंघन गरेको भन्दै क्यानडाको क्रिकेट बोर्डलाई तत्काल प्रभाव हुने गरी सदस्यताबाट निलम्बन गर्ने निर्णय गरेको हो ।

आईसीसी बोर्डले निलम्बनको निर्णय गर्दा क्यानडाका खेलाडीहरूको हितलाई ध्यानमा राखिएको जनाएको छ । त्यसैले निलम्बन अवधिमा पनि क्यानडाका राष्ट्रिय टोलीहरू आईसीसीका प्रतियोगितामा सहभागी हुन पाउनेछन् ।