ध्रुवेको आतङ्क कहिलेसम्म ?

चितवन राष्ट्रिय निकुञ्जमा लामो समयदेखि त्रास फैलाउँदै आएको जङ्गली भाले हात्ती ‘ध्रुवे’ लाई १० दिनको अथक प्रयासपछि नियन्त्रणमा लिई अत्याधुनिक स्याटेलाइट रेडियो कलर जडान गरिएको छ।

असार २० गते पश्चिम चितवनमा दुई जना स्थानीयको ज्यान लिएपछि बढेको जनआक्रोश र त्रासका बीच निकुञ्ज प्रशासन, नेपाली सेना र राष्ट्रिय प्रकृति संरक्षण कोषको संयुक्त टोलीले असार ३१ गते राति १०:३० बजे सुखीभार क्षेत्रबाट यसलाई नियन्त्रणमा लिएको हो।